林鄭借世衛過橋變相港獨
林鄭繼續堅拒封關，大家以為他是顧全大陸，但愚以為他是「港獨之母」促進攬炒，證據是他引用世衛建議說不可採取歧視行動，露出了馬腳。
看回世衛的建議，是分為三部分。一是給中華人民共和國 To the People’s Republic of China，二是給所有其他國家 To all countries，三是給國際社會 To the global community。林鄭引用的一項是來自給所有其他國家 To all countries，原文是 Countries are cautioned against actions that promote stigma or discrimination，簡體中文版聲明係请各国不要采取可能助长侮辱或歧视的行动。
留意依項建議係比 Countries 各國架。需知道，世衛唔同世貿，香港唔係自己一個成員，係跟大陸的，所以，香港本應係跟返給中華人民共和國 To the People’s Republic of China 果堆建議先係。林鄭引用依項建議，潛台詞仲唔係認為香港係獨立於中國以外，係搞港獨？果然「港獨之母」非佢莫屬！
Btw，給中國果堆建議入面有項係 Ensure the resilience of the health system and protect the health workforce，簡體中文确保卫生系统具有抵御能力，并保护医务人员。林鄭有冇做到依項呢？香港醫務人員係咪受到足夠保障，係咪仲有能力接收更多病人，唔封關或至少大減疫區人士來港，萬一香港出現爆發係咪有足夠抵禦能力呢？唔怪得佢唔跟給中國果堆建議啦。
唔係危言聳聽架。依家大陸9811宗確診中 (資訊來源百度，截至31日20:30)，湖北係5806宗，即係非湖北有成4005宗或41%。當然其中好多係湖北人在其他省市被發現播毒，但各省都已經開始出現人傳人病例，根本淨係唔比湖北人來港係唔夠。廣東省都有成436宗，淨係廣州同深圳都分別112同134宗，我諗就黎可以宣布疫區架啦。所以林鄭肯定係支持攬炒囉。