李慧琼係咪真係咁多人J?

今朝碌碌Medium見到健吾的文講「究竟香港異性戀男生在想什麼?」內容係用Google Search 林鄭月娥、李慧琼、鄭若驊同葉劉淑儀，其預測查詢字都會出j。小弟當堂嚇一睇，即刻check下Google係點做預測查詢字⋯⋯

預測查詢字點做？

雖然預測查詢字係有用公眾大數據，不過根據Google的講法，其實主要係根據個人平時搜尋開乜野，而排序顯示出來。簡單講，只要用戶成日搜尋j圖，咁就只要打人名，下一個預測查詢字就好大機會係j。而且每個用戶的排序亦都會唔同。

用我自己的戶口做例子，頭三個預測查詢就唔係乜野j，事實上我亦從來未搵過李慧琼女兒、李慧琼議員辦事處同李慧琼子女。不過睇返自己的使用習慣，我係有家室有子女的人，網上搜尋「子女」資訊係非常合理，而「議員辦事處」更加易解釋，小弟以住於政黨生活，少不免查詢議員資料，有「議員辦事處」其實都好合理。

不過講到j⋯⋯

其實百貨應百客，其實網上有老中青網民，大家j的野都好唔同，成日去城市論壇就會知尐阿伯好鐘意真人醜過上鏡的李偲焉。j乜野你邊估到？

最緊要係你地唔好害我

其實Incognito tabs發展咗好耐，麻煩男仕們睇咸網、睇j圖做乜都好，都開Incognito Tabs黎做。Incognito Tabs唔係記錄你search 過乜睇過乜，安全得黎又唔會害到其他人。一陣伴侶或者尐KOL假設全港男性都j李慧琼真係水洗都唔清。