提防藍絲山寨式PR

流水革命勝負未分，但論PR文宣和創意，反抗陣形贏足九條街。無論是極權政府、黑警集團、建制派、奶共組織，啲宣傳攻勢永遠只係得兩種質素︰核突，同非常核突。

7婆自爆畀八間世界級PR公司拒絕，於是只好圍爐度橋，整出嚟嘅Product離地萬丈。最經典當然係「珍惜香港這個家」系列，唔講咁多，自己睇圖。

建制同藍絲一向都係聽上面order做嘢，忽然要出擊搶主導權，只好將平日睇開嘅大陸文化照搬。例如上面興微電影(其實個Trend都轉咗做抖音好耐)，就搵勁多人開套微電影叫「明登兄弟」，想屈後生仔收錢搞暴動，結果淪為藍絲打飛機之用，條片出咗一兩日就無晒noise，反而個導演同演員就真係一炮而紅喇。

呢啲所謂創作，勇武唔會理，和理非指住嚟笑，中間派恥與為伍，藍絲睇完立場唔會變，作為宣傳品，其實真係無乜存在價值(中間落格另計)。可能都心知技不如人，佢地最常用嘅唔係原創，而係抄襲，你有乜好橋佢就抄乜。商場集會，抄！上獅子山，抄！《願榮光歸香港》，抄！舉報FB Pages，抄抄抄！總之反抗陣營有乜好橋，就照跟，唔怕無尊嚴，最怕跟唔切。

但，我希望大家唔好鬆懈，對家只會越抄越聰明。唔好唔記得，抄襲係強國國粹，名創優品、小米，仲有淘寶等等，都係靠山寨起家，開頭都畀人笑，但好快就成為跨國大企業，靠劣幣攻陷返良幣轉頭。好似今次抄歌被BAN，佢只要學識執吓旋律，就可以輕易繞過Youtube審查機制。

以後抗爭陣形有好橋，我地隨咗畀Like同share，亦要諗多兩步，就係對家會唔會跟住做？會點做？有咩反制措施？今次HOCC一早拎定歌曲版權，就係一個好好嘅示範，有版權在手，就可以一蕉羞貍貔。

但更重要嘅，係反抗陣形要不斷壯大，人數上面保持絕對優勢。Fb Pages嘅黃藍比率不嬲都係9:1(可以睇我之前寫嘅反送中Facebook戰況分析第一回、第二回)。佢地就算搞到10個黃絲KOL嘅Facebook Page，但掃落下面仲有1000個黃Pages的話，根本就無可能搞得晒，攻勢自然輕易瓦解。

所以，唔好怕，無論係KOL、Page admin定係個人acc(fb、twitter)，都要繼續關注警暴，反抗暴政。

光復香港，時代革命。十一國殤，賀佢老母！

按白色拍掌按鍵5次，可讓阿唯得到LikeCoin作回報。
想成為讚賞公民，真正支援網絡創作生態，請按這裡。鼓勵持續創作，支持化讚為賞！

【精選文章】