戴耀廷變相騎劫港獨 緊守底線兩面不是人

戴妖 騎劫港獨，搞到啲本土派同港獨派好嬲~ 正確啲嚟講， 佢只係爭取講獨嘅權利，唔係爭取港獨。

如果那些「真正本土派同港獨派」，支持港獨唔係為咗威，而係為咗件事，咁應該團結戴妖喎~ 如果同啲左膠一樣，反三跑時分黨分派，因為三跑個光環所以唔俾某啲人加入幫手，咁未搞唔成？其實搞咁耐，除咗陳浩天，在打壓下，都無乜邊個立場係好堅定又出到嚟，好多人都不停搬龍門（咁我其實就唔熟本土派啲人點分啦）。

不過咁，我都明，啲本土同港獨派覺得戴妖實會搞禍件事，例如變咗 theresa may，所以為件事好都唔應該俾佢加入~又或者咁講，佢從來都係想騎劫，無諗住加入。沒有戴妖跟你，只有你跟戴妖~

另一方面，泛民除了放棄馮檢基，都應該要放棄戴妖（其實搞民間特首公投個陣已放棄），畢竟泛民是溫和路線而家越靠越埋建制，但戴妖就越來越妖，又係搞禍件事。當民主廢老講咩「唔好觸及紅線」論時，戴妖就頑皮小孩咁係要搞條線，想知條線喺邊。

而家戴妖兩面不是人，妖氣煉成了~

問題係， 民主派如果係捍衛言論自由， 思想自由， 咁又應該團結戴妖㗎喎， 畢竟戴妖唔係港獨派， 佢只係捍衛港獨派講獨嘅權利。

起以前， 民主派係會群起而出嘅， 而家為咗捍衛參選權，所以又縮咗。 其實戴妖根本冇郁過， 郁咗嘅係民主派。

咁究竟妖嘅係戴妖定係民主派呢？

繁華盛世個個都可以做正常人 。從來妖氣沖天的人誕生於大時代~孰忠孰奸孰對孰錯只能由歷史定論。