《我睇咗啲乜嘢系列：梨泰園Class》 當劇集失去本質

講好耐無睇韓劇，其實都只係睇過三四套，上一套係《W兩個世界》，當時覺得頭十集真係「無得輸」，但最後可能真係玩得太大，爛尾收場。今次適逄史無前例的武漢肺炎襲全球，港人自救，堅守屋企唔出街，就信一下大眾推介的這套《梨泰園Class》，一如以往，完全唔做功課唔睇評論，直接上菜。

[以下內容盡量不劇透，但實在唔擔保任何嘢]

好多人話，一睇第一集已經忍唔到狂追落去，我又覺得未至於。睇完第一集，大概對故事有個概念，就熄機了。然後就是繼續以一日一至兩集的速度睇，發現故事節奏明快，劇情吸引，實在是有過人之處。

《梨泰園Class》係一套睇得出係漫畫改篇的劇，除了人物造型演繹出色，角色本身的性格和背景設定都很漫畫，於是整個格調隨著故事發現便浮了出來。而韓式拍攝手法除了大量大頭情深對望，還有很多海報式的shot，我個人十分喜歡這些畫面。

我唔知道韓劇爛尾係咪必然？或者有無邊套韓劇無爛尾，因為我睇過的係100%爛尾。我不知道應該怪罪是漫畫改篇還是集數所限，《梨泰園Class》的結局是可惜的。

成也格調，敗也格調。

故事一開把角色設定得好好，沒有社交能力的男主角，生性怕事的女主角一，反社會人格的天才少女女主角二，加上有錢邪惡大魔王和其弱智兒子，讓人很快投入。無奈故事發展到中後，所有角色性格都消失了。

男主角身邊出現一大班朋友，天才少女成為能幹管理層，TBB式綁架飛車打架完結，這些還不是最心傷。最傷最傷叫人不吐不快的，係劇中的大魔王，「長家」集團的話事人。

這個大魔王張會長，suppose係一個白手興家的商家佬，或者做生意手法有問題，但都係生意人，加上整個故事大部份時間跟男主角都實力懸殊，完全理應是遊刄有餘的設定。

這個張會長演戲又十分出色，非常搶鏡，我一路看一路都很欣賞，棄子的一幕可謂整劇最精彩最高潮的地方，之後就開始劇情崩壞。而崩壞後，張會長變成咗一個無核心思想，又令你誤以為佢係黑社會的人物，這點無疑是一個大敗筆。

總結：《梨泰園Class》以Netflix原創劇來說算是高質素，也是很好用來消磨抗疫光陰的精神食糧，無奈不知道是否韓劇基因性問題，還是崩壞爛尾收場，浪費了本來做得很好的設定和演繹。

從來唔覺得藝人一定要洋娃娃一樣的靚，你看金多美，多美。