【懂得做一個溝通「懶人」，對方更懂得欣賞你的價值】

我尋日問啲買咗我CG筆記的學生一個問題。

「我岩岩睇套日劇《龍櫻》，講教學的，有啲啟發，你地答完我，我再分享。唔知道大家覺得自己英文能力如何，會唔會覺得英文能力係影響考CG卷拎幾多分其中一個因素呢？」

有人答唔多唔少都會有影響。

我用我寫文年幾經驗（加埋過100篇，字數加埋有10幾萬，唔知過唔過20萬，夠我出一本書又突，而家傾向一篇起碼3000字，但我個零鐘可寫完一篇3000字，試過6000字一篇），同埋英文系一級榮譽嘅so-called學歷、CG Subject Distinction，分享俾你地聽。

考試就係社會嘅縮影，講知覺價值（perceived values）。交到貨就得，唔理你用乜方法。老闆覺得你做到嘢，那怕你只係花1分氣力完成工作。但用10成力都交唔到貨，大部分人都唔會appreciate。

咁關考CG乜事？

呢科，唔，係，考，英，文，寫，得，靚，唔，靚。

就算，你係考英文作文，一個寫嘢華麗但內容空洞無物嘅文章，同埋一個寫嘢實而不華但內容基礎扎實嘅文章，邊個高分啲，我諗你哋應該知道答案。

而前者定後者難做啲？相信，你應該都知道答案。

所以，點解我會同人講，讀英文系其實某程度上係讀邏輯，最起碼都會讀，句語結構邏輯。

而英文文法係極重邏輯，中文的話，你只要圍繞住一個題目講就好，可以好虛無。

所以睇波要睇粵語旁術，生動，睇英文旁術，嚟嚟去去都係lovely touch，brilliant pass, get in ! 因為英文係本質上話你聽發生乜事only。粵語可以好多唔同方法表達同一樣嘢，例如「呢球射得靚」，「呢球真係神奇頂級超卓」，「呢球都入，咪就係功架囉」，「呢球入唔入呀，仲唔入？仲唔係你，C朗，係你啦」。

語言，係用嚟溝通。言之有物，係重中之重。華麗措辭，只係錦上添花。

考試，其實即係乜，即係你同個Exam Marker用紙筆溝通，你寫到佢睇得明嘅嘢就要畀分你架啦，寫中keywords就有分架啦。

一分你當10至20隻字。CG考試冇半分一個Point。遲啲我如果有時間再睇埋Examiners’ Report。

Section A，5分題目，寫80至100字（100字已經多）。

Section B，25分題目，加埋寫350－500字左右（500字已經好多）夠拎滿分。

所以，考CG又好，平時做嘢又好，日常溝通又好，化繁為簡。到你搞掂，再諗係咪寫靚啲，係咪華唔華麗，到時再諗都未遲。

但，其實，華麗措辭is nothing。我大學讀Creative Writing果科果時，果個阿Sir（佢自己都係作者，出過幾本書），Day 1已經同我哋講，講故事的Number 1心法，就係：

Show, instead of tell。

華麗措辭傾向係Tell，實而不華傾向係Show。英文情歌啲內容都好簡單架，但點解觸動到人心呢？

因為，佢哋「以人為本」。

考試，用最「弱智」grammar 答就得，present tense。乜乜should do乜乜。用I am a boy 句式答就得（e.g. If a company takes risk, they tend to succeed.）

幾何要用其他古靈精怪tense？

如果，仲有人11月考，想買CG Notes，可以找我。尋日都仲有一位朋友買我筆記。