【如何從人性理解吸引力法則】

今日同個朋友食飯，講起「人性」呢個問題。世俗所認為嘅惡人、善人都係兩個極端，佔少數。大部分人係都處於小奸小惡、小恩小善之流。

人性本善？人性本惡？都唔係。人性本自私，只想做對自己有利嘅事。

所謂嘅「善」和「惡」只係一個人的三觀(世界觀、價值錢、人生觀)的總和，即係一個人本身嘅質地。如果佢嘅「自私」係「捨生成仁」，你哋咪覺得佢係善人，反而亦然。

呢個世界，邊有咁多對號入座，邊有咁多「玩針對」。好多時，只係我哋對號入座、一廂情願咁認為某人對得我哋好，對我哋差。客觀嚟講，只可以話咁啱你同佢嘅磁場夾到。

一個人嘅三觀而形成嘅行為模式，令到佢做嘅嘢符合你嘅利益，咪就係「對你好」，反之亦然，就係「對你唔好」。所以，某程度上，學利世民咁講，人其實都係機械人。 人與人之間只係唔同組合下的化學作用。

呢個世界大部分情況下，冇好人、壞人之分，只有主觀認為「對自己好」同「對自己差」嘅人。

你嘅氣場吸到咩人，某程度上反映你係啲乜嘢人，你嘅三觀係點。如果你吸到嘅人並唔係你想要遇到嘅人，都要反省自己係咩人。呢個就係「吸引人法則」。

====

同場加映。咁，點樣理解一個人？

「要理解一個人，快則15分鐘，耐則二、三年，但呢個世界好多人都唔係高手。」

「佢住邊嗰到，佢屋企有咩人，佢屋企人鐘意做乜，佢去開咩餐廳，佢識嘅朋友係咩人，佢去開邊到玩，玩開邊類型興趣。你唔好以為唔關事，我咩都想知。要睇清一個人，要從唔同面向去睇。知得愈多愈好。有冇途徑知一回事。」

特別係，當涉及一個「S」加兩個「l」。呢個SII，即係「$」，會放大一個的善，亦會放大一個人的惡。

金錢不會說謊，就係咁嘅意思。

用番「企業管治」嘅格局去講，交朋友、搵Partner、搵工等等，應該搵啲志同道合，Interest係aligned嘅人(Think Win Win)。識人要搵啲價值觀相近嘅，就係咁嘅意思。