如何對付你嘅後底乸？

後底乸，亦即係你後母，由於唔係你親生老母，通常都會對你非常差。

即係佢會一日三餐逼你食 Protien Bar，每個月仲準時問你拎晒成份人工做家用咁。

咁你想似返個人，正正經經食一餐飯，可以點做？

同個後底乸講道理？ NO！佢會講道理就唔叫後底乸啦。

唱首「父母恩」比你後底乸聽感動佢？ 佢唔係你親生老母，有柒用咩？

叫你老豆離婚？ 晚晚瞓係你後底乸隔離嘅男人，會幫你定幫個八婆？

我話你知，唯一嘅方法，就係癲過佢，你一日癲唔過佢，你一日都仲要比家用佢。

每日，將你晨早第一篤尿裝起，倒落個八婆個帎頭度！佢一定會正視你呢個問題！

唔想玩屎玩尿咁核突？咁每個月，一蚊家用都唔好再比！

咁唔得嫁喎，佢鎖起度門唔比我返屋企點算？

咁咪好囉，你出去租屋，到左呢一步，你老豆先會明，佢係要揀，一係揀佢個親生仔或者女，一係揀呢個八婆。

如果佢都仲揀呢個八婆，恭喜你，你可以每日都自己煮飯自己食，唔使再食Protein Bar。

如果佢揀你，咁更加恭喜你，一家團聚。

其實道理好簡單，但香港人就硬係想靠果啲咩「家庭會議」呀，又或者「不記名投票」去解決問題。

咁結果？

咪一日三餐 Protein Bar ，每個月尾自動入家用囉。