台鐵出軌22死 ATP壞咗都可以超速？

有報導指台鐵局長證實，出軌嘅普悠瑪號列車ATP系統被關閉，沒有ATP系統的話，列車就可以超速而不受線路限速而行駛。(目前尚未確定出軌係唔係 超速導致，亦有報道指剎車氣壓系統有失靈過。)

報導指按台鐵規定，駕駛係有權喺ATP失靈時關閉佢，而且這次關閉後亦有告知控制中心的調度員。

香港地鐵市區線，係依靠SACEM訊號系統提供列車自動操控功能，行車電腦係有三種主要行駛模式，分別是Auto Mode、Coded Manual同Restricted Manual。

Auto Mode是指列車會依照系統傳來嘅最高限速Speed Code自動加速、減速、停車。Coded Manual則是由人手駕駛，但若超過Speed Code限制仍會由系統自動剎車。

至於Restricted Manual，就是留喺訊號系統壞了或收不到Speed Codes嘅情況，喺調度員許可下可以作人手駕駛，雖然沒有閉塞區間嘅保障（即可以衝紅燈），但最高速度係22km/h。

各法律管轄權嘅民航局都有制定一個叫MMEL (Master Minimum Equipment List)嘅清單，規定飛機各種設備必須喺什麼情況、或至少剩多少個後備系統下才可以飛行。(航空公司會按此制定更嚴格嘅MEL)

以美國聯邦航空管理局制定嘅MMEL A320舉例：

• 油門杆(Thrust Lever)感應器4個之中，喺特定情況下容許壞1個
• 馬桶真空泵2個都壞哂亦係可以飛，只要有措施限制乘客喺16000呎上先用得廁所
• 細節連對機師座位調校失靈都有規定

至於台鐵（以至一般鐵路運行管理），有冇MEL嘅概念，我就唔知道喇。以及ATP失靈時都可以無限速行駛，我覺得係一個好危險嘅設計。