又上一課

有時候，寫時事寫政治，一個好大嘅問題就係篇嘢會有時間性。過咗一兩個星期就冇人想睇返。雖然啲專欄作者一年過後總會將專欄文者結集成書，循環再用免得浪費。但有冇人買呢？好問題。

不過，一兩個星期就話唔新鮮啫，風乾咗 12 年就唔止係特級火腿或者陳年佳釀咁簡單。就好似下面呢篇講 2007 年曾蔭權新班底嘅文章，一啲仍然熟悉嘅名字，當年已經落筆寫咗。

結果是，特首新班子的音樂椅遊戲，在沒有高潮之下結束。然後大家又上一課。

名單在星期六公開，但實質上《經濟日報》和《明報》分別在星期五和星期六，列出新班子名單，幾乎就要像電視劇《金枝玉孽》那樣寫明每位新任司長之間的利益瓜葛。不知道為甚麼，《蘋果》沒有這種報道，只是「陰d 陰d 」講下「盛傳」曾德成入閣，是不是消息不靈通？又或者，是當局向傳媒「放氣球」的策略今時不同往日，正式落實「親疏有別」……？

我是真心相信，這次事件值得新聞系學生做「傳媒道德」習作時，研究研究。記者應否以合作的態度，協助散播官場中人刻意放出、試探民意反應的消息？being manipulated，是否傳媒的義務或職責？不要停留在「陳健康事件」這種層次嘛。

在星期六公開名單，表面上是等國務院拍板通過，不過在悠閒的周末，市民與市場都有兩日消化消息。有了這麼一個緩衝期，無論外界受或唔受、順或唔順，政府在星期一恢復辦公時，受到的衝擊肯定較少。可以說，當局對公關技巧的掌握，又上一層樓，而且倍加爐火純青。

AO黨執政，與九七年前的公務員治港大同小異，分別在於三司十二局都是政治問責官員。我想起，一篇由劉細良撰寫，關於新加坡執政黨的「政治旋轉門」評論。新、港兩地同樣擁有「永遠的執政黨」 (香港的當然不是民建聯) ，只差在香港的官員，不會被派到地區議會或立法會參選議員、經歷選舉政治洗禮。要原本的AO們一步到位，好的固然像特首那樣成為「政治家」，不好的就可能會葉劉、羅范那樣失言惹起公憤。不過本港的反對派近年不思進取，曾班子現有的政治技巧可能已經足以應付。

至於新班子是「為五至十年後選特首與三司的班底舖路」這種廢話，其實市民一般都心知肚明，沙田大學政治系的菜菜子教授可不必敷衍大家。

對於新班子的人物認識有限，但我覺得有幾個是值得一「估」的。首先，CS唐英年可能只是過渡人物。煲呔曾與鬍鬚曾緊密合作、眉來眼去早已「通天」，後者未能上CS，是時勢，也是機會。唐唐從政至今，最深入民的sound-bite不是「人生在世，只有兩件事是必然的，就是死亡與交稅」，就是「Ong Ping三碌齡」，時間很可能會證明唐唐無力更進一步。

其次，孫明揚與張建宗坐鎮教育與勞工部門，有望實踐「穩定壓倒一切」。後者的好，就連煲呔也不禁在立法會會議上，明寸工聯會嫻姐「做咩咁掛住佢呢」，大概今後五年，勞工範疇都不會為特首添煩添亂。

(2007 年 6 月 24 日)

張建宗同唐英年，一個沉穩，一個輕浮，亦恰好反映咗二人喺官場嘅命運。兩人一樣官拜政務司司長，一人之下、萬人之上。但唐英年被簇擁推舉參選特首，最終不敵城府極深、詭計多端嘅「思歪」，仲搞到自己「紅隧」 (紅酒隧道) 艷史街知巷聞，以西關大少嚟講，都算失威。

張建宗其貌不揚，頭上永遠得一抹似淡若濃嘅銀髮。為官低調、不邀功、恰如其份，令佢喺林鄭嘅公務員 AO 黨班底當中，穩佔公務員之首嘅一席。喺反送中嘅浪潮當中，張建宗被爆要接受化療，返工前睇醫生，公眾形象點都加啲啲分。比起民望插水嘅林鄭，張司長呢舖真係「此消彼長」。

不過咁，張建宗一生珍惜羽毛，會圖謀更進一步嗎？萬一好似曾蔭權咁唔夠聽話，晚景隨時有坎坷。及早全身而退，都可能係向歷史學習一課嘅好結果。