力抗中共 果斷停擺 畀個五Adam Silver

武漢肺炎之下，環顧世界體墟，其實NBA算做得好好。

德國波有人中都只係閉門，意甲西甲暫停住先，英超乜都未做仲傾緊。

歐洲足協仲衰，奧林比亞高斯班主確診，都仲要狼隊作客踢埋場歐霸佢。皇馬隔離，亦都拖咗成晚先將下星期對曼城嘅歐聯，以及祖記賽事改期；F1都拖拉一大輪，麥拿侖車隊有人瀨嘢，退出埋澳洲站，先肯死死哋氣停站。

最快手就係NBA，比賽未打完就即刻取消兩場，然後無限期停賽。今年因為敢言嘅Daryl Morey，季前已經唔見一截，但Adam Silver冇奶共，冇退縮，今次亦非常果斷。至於小馬班主Mark Cuban擔心NBA停擺會令一眾相關的低下階層失業，希望可以幫忙，亦係佛心，值得一讚。

大家都明，停一場，唔見成千萬美金，但人命要緊，冇得唔做。Donald Trump話當初俾中共呃咗，以為小事，難怪直頭想另起爐灶，以後唔理世衛。

換一換諗法，歐美不少左膠，仍未清楚中共真面目，亦有人為咗人民幣，揞住良心，拒絕發聲，今次攬炒，先係睇清楚真面目，知道有幾大話，滲透得幾勁。好過香港文宣。當然我哋亦要繼續做，一日未清算高官黑警，一日都繼續。

南韓、意大利、伊朗，一帶一路；美國紐約州告急，原因？個小意大利出事，加州大把中國有錢佬，而家齊齊出事，唔係共業，係奶共嘅罪孽。非洲單係埃塞俄比亞，都已經玩死幾十億人。香港人見到雞珍都坐得正，自然知呢個係廢衛唔係世衛。

中共攬炒，真係連NBA都俾佢搞到停埋，仲話四月想開CBA，到時會點？可能用兩個禮拜，起多幾間火神山，再見維尼扮嘢去探訪囉，咁自然有球星唔識死上去打㗎。

家陣，相信全世界都想講，欠中共一句，DLLM❗️